روند کارزار نهال شانی در سرپل ادامه دارد.

سرپل

آژانس باختر

 

قاری شکرالله آخندزاده آمر حوزهٔ سوم امنیتی شهر سرپل به آژانس باختر می گوید: روند نهال شانی از سوی مسؤولین حوزهٔ سوم امنیتی و صدها تن از باشنده گان قریهٔ بهسود در امتداد سرک عمومی قریهٔ بهسود شهر سرپل تا داخل آن قریه ادامه یافت.

 

هم‌زمان با رسیدن فصل غرس‌ نمودن نهال‌ها، ریاست زراعت، آبیاری و مالداری صدها اصله نهال را در نواحی مختلف ولایت سرپل غرس نموده است.

 

این در حالیست ریاست زراعت ولایت سرپل چندی قبل کمپاین نهال‌شانی را طی محفلی با حضورداشت مسؤولین ملکی و نظامی ولایت سرپل رسماً آغاز نموده بود.

۱۴حوت ۱۴۰۰ هـ ش