نام کاربری یا نشانی ایمیل
رمز عبور
مرا به خاطر بسپار
شاعر: عبدالحق عابد ځينو هېر کړل ځينو وساتل په زړو کې يادګار ځينو په زړونو باندې ليک کړلې صحنې د تاريخ ځينې منصور شول له زندان تر داره ورسېدل ځينو په شرنګ کړلې په پښو کې زولنې د تاريخ ځينو نړۍ ته په ښکاره عمري هوډ وښوده ځينو په وياړ کړلې پر سر هسکې شملې […]
شاعر: عبدالحق عابد
ځينو هېر کړل ځينو وساتل په زړو کې يادګار ځينو په زړونو باندې ليک کړلې صحنې د تاريخ
ځينې منصور شول له زندان تر داره ورسېدل ځينو په شرنګ کړلې په پښو کې زولنې د تاريخ
ځينو نړۍ ته په ښکاره عمري هوډ وښوده ځينو په وياړ کړلې پر سر هسکې شملې د تاريخ
ځينو ايمان او خپل ضمير په څو ډالرو خرڅ کړ ځينو بې ننګو کړې پر سر سرې لوپټې د تاريخ
ځينې ملالې شوې ميوند کې يې نعره پورته کړه ځينو بې پته کړې پتمنې پښتنې د تاريخ
ځينې خوشال شول له هيبته يې نړۍ په لړزه ځينو بيا پرېښودې خپل قام ته کارنامې د تاريخ
ځينې شاعر شول خو دربار ته يې لبيک ووايه ځينو غزلو کې راونغښتې کيسې د تاريخ
ځينې ليکوال شول ليکوالي يې تر کړۍ منحصر ځينو را وڅرخو قلم په سرې سينې د تاريخ
ځينې ملګري؛ خو په پټه د لستوڼي ماران ځينې ملګري د عابد دي فرښتې د تاريخ
1400 د وري 19مه بغلان _ پلخمري
این مطلب بدون برچسب(تکونه) می باشد.
دیدگاهها بسته است.