نام کاربری یا نشانی ایمیل
رمز عبور
مرا به خاطر بسپار
د اونۍ تبصره: په داسې حال کې چې له امریکایي اړخ سره د اشغال د خاتمې تړون امضاء شوی او په داخلي کچه هم بین الافغاني مذاکرات جریان لري. د سولې او جوړجاړي په دې فضاء کې یو ځل بیا د امریکایي بمبارونو د ډیرښت خبر ورکول کیږي. د دوحې د تړون له مخې امریکایان […]
د اونۍ تبصره:
په داسې حال کې چې له امریکایي اړخ سره د اشغال د خاتمې تړون امضاء شوی او په داخلي کچه هم بین الافغاني مذاکرات جریان لري. د سولې او جوړجاړي په دې فضاء کې یو ځل بیا د امریکایي بمبارونو د ډیرښت خبر ورکول کیږي. د دوحې د تړون له مخې امریکایان مکلف دي چې بې مورده بمبارونه، ډرون حملې، شپني عملیات او نور جګړه ییز فعالیتونه پای ته ورسوي. خو د اسلامي امارت ویاند ښاغلي قاري محمد یوسف احمدي څو ورځې وړاندې خبر ورکړ چې امریکایانو د هیواد په ځینو سیمو کې له جګړه ییز حالت پرته د بې پیلوټه الوتکو بریدونه ترسره کړي دي، چې دا د دوحې له توافقنامې څخه ښکاره سرغړونه ده. امریکایي پوځ چې تېر نولس کاله یې په افغانستان کې د بمبارونو لړۍ جاري ساتلې او په دې سلسله کې یې له B52 الوتکو بیا تر مختلف النوع جنګي طیارو، څرخکو او بې پيلوټو الوتکو پورې د خپل هوایي ځواک ټول توان ازمویلی دی او د کیمیاوي او نورو ممنوعه وسلو په شمول یې د مرګ ژوبلې بیلابیل ابزار زموږ په هیواد او ولس اورولي، خو له دې ټولو خواریو سره سره یې هیڅ کومه د پام وړ نتیجه نه ده ترلاسه کړې. له دې اوږدو او ناکامو تجربو وروسته باید دې نتیجې ته رسیدلي وي چې بمبارونه د حل لاره نه ده او د افغانستان قضیه د بمبار او الوتکو په زور نه حل کیږي. هغه هوایي بریدونه چې د دوحې له تړون سره په تناقض کې وي، پرته له دې چې د افغانستان په قضیه کې د امریکایي اړخ ملامتیا برجسته کړي بله نتیجه نه لري. د دا ډول تخلفاتو تکرار به نړۍ ته ثابته کړي چې امریکایي اړخ خپلو کړیو تعهداتو ته ژمنتیا نه لري او دا ډول تأثر به د امریکایي چارواکو لپاره په افغانستان کې له نظامي او سیاسي ناکامۍ وروسته یوه بله اخلاقي ماته وي چې دوی به نړۍ ته د وعده خلاف جهت په حیث ورمعرفي کړي. اسلامي امارت د دوحې توافقنامه د دواړو جهتونو لپاره یوه لاسته راوړنه او د حل فرصت ګڼي. دا فرصت باید ضائع نه شي او د ساتلو او تقویې لپاره یې ټول اړخونه باید خپل مسؤلیتونه ترسره کړي. اسلامي امارت په امریکایي اړخ یو ځل بیا غږ کوي چې د دوحې له تړون څخه تخلف د هیچا د په ګټه نه دی نو ځکه باید تکراریدونکو تخلفاتو ته د پای ټکی کیږدي. موږ باور لرو لکه څنګه چې په تیرو نولس کلونو کې د اشغالګرو بیلابیلې جنګي ستراتیژۍ زموږ د مؤمن ولس د برحقې مبارزې او د استقلال غوښتنې د داعیې په وړاندې خنډ نه شول اوس هم د اشغال د خاتمې او سولې په وړاندې خنډ جوړونکي جهتونه نه شي کولای په جنګ غوښتونکو اقداماتو سره زموږ د ولس د ارادې په وړاندې مانع جوړ شي. اسلامي امارت په ټولو هغو اړخونو چې په افغانستان کې سوله غواړي غږ کوي چې د دوحې له تړون څخه د امریکایي تخلفاتو موضوع جدي ونیسي او د توافقنامې د تطبیق څارنه وکړي. اسلامي امارت په دې برخه کې خپلو اخلاقي اصولو ته په پام سره بشپړ مسؤلانه چلند کوي او مقابل اړخ هم ورته مسؤلیت پذیرۍ ته رابولي.
این مطلب بدون برچسب(تکونه) می باشد.
دیدگاهها بسته است.