څوک د بیان آزادي ګواښي؟!

د کابل اداره په خپلو اړونده رسنیوکې تل اسلامي امارت د بیان د آزادي په ګواښلو تورنوي.

خو په يوه تازه پیښه کې د یادې ادارې مربوط د کندهار ولایت امنیتي چارواکو هغه خبریالان نیولي کوم چې د سپین بولدک ولسوالۍ ته د خبري پوښښ لپاره تللي او غوښتل یې هلته شته واقعیتونه له خپلو رسنیو څخه منعکس کړي.

یاد څلورتنه خبریالان چې په ملت غږ رادیو او شینهوا آژانس پوري تړاولري د دوشنبي په ورځ له سپین بولدک څخه  تر راګرځیدو وروسته د کندهار د امنیتي ځواکونو لخوا تعقیب او ونیول شول.

د ژورنالیستانو د ساتنې کمیټي (نی) هم په یوې اعلامیې کې د یادو خبریالانو نیونه غندلې او هغه یې د بیان د آزادي خلاف عمل ګڼلی.

تر دې وړاندې هم د کابل اداري امنیتي چارواکو د شمشاد تلویزون اداره په دې ګواښلې وه چې ولي یې د اسلامي مارت د جذب وجلب او دعوت و ارشاد کمیسیون له مشر سره مرکه کړې؟.

کابل اداره له خپلو اړونده رسنیو څخه د مجاهدینو خلاف په خلاص لاس تبلیغات کوي او داسې کړنې هغوی ته منسوبوي چې له واقعیت سره بالکل په مغایرت کې وي.

خو کله چې بیا د ځینو خپلواکو رسنیو خبریالان د اسلامي امارت تر ولکې لاندې سیمو ته ولاړ شي هغه بیا د خپل مسلکي فعالیت په جرم توقیفوي او چارواکي یې په مرګ ګواښي.

اسلامي امارت تر خپلې ولکې لاندې سیمې کې د واقعیتونو د انعکاس په غرض په مکرر ډول رسنیو ته بلنه ورکړې او هلته یې د هغوی د خوندیتوب تعهد یې کړی دی.

همدا راز اسلامي امارت تل په خپلو اعلامیو کې د شرعي حدودو په چوکاټ کې د بیان آزادي ته درناوی لرلی او دیني او ملي ارزښتونو ته متعهد ژورنالیستان یې د ټولنې د آرمانونو واقعي ترجمانان ګڼلي.