نام کاربری یا نشانی ایمیل
رمز عبور
مرا به خاطر بسپار
الامارة: ۱۴۴۵ رجب ۱۱مه د افغانستان اسلامي امارت د کابینې څوارلسمه غونډه د رئیس الوزراء الحاج ملا محمدحسن اخند په مشرۍ نن دوشنبه (رجب المرجب ۱۰مه/ سلواغې ۲مه) نېټه ترسره شوه او په يو شمېر موضوعاتو بحث او پرېکړې وشوې. دا غونډه چې د قرانکريم په تلاوت پيل شوه، په کې د اسلامي امارت سياسي […]
الامارة: ۱۴۴۵ رجب ۱۱مه
د افغانستان اسلامي امارت د کابینې څوارلسمه غونډه د رئیس الوزراء الحاج ملا محمدحسن اخند په مشرۍ نن دوشنبه (رجب المرجب ۱۰مه/ سلواغې ۲مه) نېټه ترسره شوه او په يو شمېر موضوعاتو بحث او پرېکړې وشوې. دا غونډه چې د قرانکريم په تلاوت پيل شوه، په کې د اسلامي امارت سياسي کميسيون په مشرۍ د کرنې، اوبو لګولو او مالدارۍ وزارت، د چارو ادارې لوی رياست او چاپيريال ساتنې ملي ادارې استازو په شمول پلاوي ته دنده وسپارل شوه، چې په هېواد کې د نيالګيو کېنولو په اړه د چاپيريال ساتنې ملي ادارې طرحه وڅيړي او د وروستي تصميم لپاره دې د کابينې غونډې ته وړاندې کړي. همدا راز د ریاست الوزراء اداري معاونيت ته دنده وسپارل شوه چې د چارو ادارې لوی رياست او ملي پراختيا شرکت مسؤلين وهڅوي؛ ترڅو د قوشتېپې کانال چارې ګړندۍ او د کارونو د لا ښه والي او پرمختګ په برخه کې اسانتياوې رامنځته کړي. د کابينې په دې غونډه کې د ریاست الوزراء اقتصادي معاونیت ته دنده وسپارل شوه چې د هېواد په داخل او بهر کې د افغاني سوداګرو لپاره اسانتياوې رامنځته کړي او په ټولو هغو ممکنه لارو دې غور وشي چې د سوداګريزو توکو په صادراتو او وارداتو کې اسانتياوې رامنځته کوي. د کابينې دا غونډه د خير په دعا پای ته ورسېده.
این مطلب بدون برچسب(تکونه) می باشد.
دیدگاهها بسته است.