نام کاربری یا نشانی ایمیل
رمز عبور
مرا به خاطر بسپار
په میدان وردګو ولایت کې، د عامې روغتیا مسوولینو له لوري د پولیو/ ګوزڼ ضد واکسینو کمپاین پیل شو؛ د عامې روغتیا رییس وویل، چې په دغه ولایت کې به یو لک او ۵۴ زره ۲ سوه او لس ماشومانو ته، چې عمرونه یې له پنځو کلونو ښکته وي، د پولیو ضد واکسین ورکړل شي. […]
په میدان وردګو ولایت کې، د عامې روغتیا مسوولینو له لوري د پولیو/ ګوزڼ ضد واکسینو کمپاین پیل شو؛ د عامې روغتیا رییس وویل، چې په دغه ولایت کې به یو لک او ۵۴ زره ۲ سوه او لس ماشومانو ته، چې عمرونه یې له پنځو کلونو ښکته وي، د پولیو ضد واکسین ورکړل شي.
د همدې کمپاین په لړ کې به یو لک ۳۸ زره ۷ سوه ۹۹ ماشومانو ته، چې عمرونه یې له شپږ میاشتو تر پنځو کلونو وي، د ویټامین اې درمل هم ورکړل شي.
د دغه کمپاین د پرانېستې پر وخت، د یاد ولایت والي ښاغلي الحاج مولوي رحیم الله محمود د عامې روغتیا مسوولینو ته د ولایتي ادارې له لوري د همکارۍ ډاډ ورکړ، نوموړي پر ولسونو غږ وکړ، چې خپل ماشومان له ناروغیو د خوندي ساتلو په موخه واکسین کړي او د روغتیاپالانو لارښوونې په ورځني ژوند کې عملي کړي.
د پولیو ضد واکسین، چې د یونېسف په مالي ملاتړ ورکول کېږي، دا ځل خلک ځکه ورته خوښ دي، چې یاد کمپاین به په ښه توګه ترسره شي او پر وړاندې یې هېڅ امنیتي ګواښ نشته.
2021/11/8
این مطلب بدون برچسب(تکونه) می باشد.
دیدگاهها بسته است.