غزني: پوهنې ریاست مقر ولسوالۍ کې پراخه غونډه او له یو شمېر تعلیمي ادارو څخه یې لیدنه وکړه

‏‏دغزني ولایت دپوهنې رئیس او مرستیال د ځینو مدیرانو په ګډون د مقر ولسوالۍ له ټولو دیني مدارسو، دار الحفاظونو او عصري ښوونځیو څخه لیدنه وکړه.

په دې لیدنه کې په تعلیمي ادارو هغه طرزالعملونه، اصول او نور اداري توکي وویشل شول کوم چې د تعلیم او تربیې له لوري ورکړل شوي وو.

له نظارت څخه وروسته یوه لویه تشویقي غونډه هم تر سره شوه، د یادې ولسوالۍ د نویو مفتوحه سیمو و ټول تعلیمي پرسونل ته ډاډ او اطمنان ورکول شو او خپلو دندو ته متوجه کړی شول، هغوی هم د اسلامي امارت د مسئولینو د ښه سلوک څخه مننه وکړه او د خوښي اظهار یې وکړ.

یادو ادارو ته په تدریسي او اداري برخو کې لازمې لارښوونې وشوې.
۲۰۲۱/۷/۱۲