نام کاربری یا نشانی ایمیل
رمز عبور
مرا به خاطر بسپار
وړمه ورځ د میدان وردګو په سیدآباد ولسوالۍ کې د R.E.D خیریه موسسې د خوراکي او غیر خوراکي توکو د مرستې پاتې برخه په ۳ سوه کورنیو ووېشل شوه. یاده مرسته، چې د شهیدانو او معلولینو د آمریت پر مټ توزیع کېده، د وېش پر مهال یې د همدې آمریت سرپرست مولوي محمد نذیر ابو […]
وړمه ورځ د میدان وردګو په سیدآباد ولسوالۍ کې د R.E.D خیریه موسسې د خوراکي او غیر خوراکي توکو د مرستې پاتې برخه په ۳ سوه کورنیو ووېشل شوه.
یاده مرسته، چې د شهیدانو او معلولینو د آمریت پر مټ توزیع کېده، د وېش پر مهال یې د همدې آمریت سرپرست مولوي محمد نذیر ابو محمد رسنیو ته وویل ” د مستحقو کورنیو د پېژندنې لپاره مخکې له مخکې سروې ترسره شوې، چې د ا.ا.ا د شهیدانو/ پخواني نظام د وژل شوو یتیمان، بېوزله او بېځایه شوې کورنۍ پکې شاملې دي.”
په مرسته کې، هرې کورنۍ ته ۵۰ کیلو ګرامه اوړه، ۱۰ کیلوګرامه وریجې، ۱۰ کیلوګرامه لوبیا، ۱۰ لېتره غوړي، ۳ کیلوګرامه بوره او دوې کمپلې ورکړل شوې.
د یادولو ده، چې د R.E.D موسسې لخوا په ټوله کې ۵۰۰ کورنیو ته یاده مرسته ترسره شوېده، چې څو ورځې وړاندې د همدغه ولایت د مرکز، نرخ او جلرېز ولسوالیو ۲ سوه کورنیو ته هم ورته مواد توزیع شول.
اړمنې کورنۍ وایي، یاده مرسته به مو د لږ وخت لپاره درد دوا کړي، خو دا چې د ژمي سوړ موسم په رارسېدو دی، نو ا.ا دې زموږ د ژوند د ښه والي لپاره بنسټیز کارونه ترسره کړي.
2021/11/6
این مطلب بدون برچسب(تکونه) می باشد.
دیدگاهها بسته است.