د فراه ولایت په دویمه پلې لېوا کې د (۱۰۰) تنو فارغ شویو سرتیرو د فراغت په مناسبت غونډه ترسره شوه.

په غونډه کې د دویمې پلې لېوا د قوماندان ښاغلي مولوي ادریس صاحب په ګډون، د دې ولایت د اطلاعاتو او فرهنګ ریاست، رئیس ښاغلي مولوي عبدالحی “سباوون”، د کډوالو چارو ریاست، رئیس ښاغلي عثماني، ګڼو ملکي او نظامي مسؤلینو او خبریالانو هم ګډون درلود.

د ا.ا.ا د ملي دفاع وزارت په چوکاټ کې د (۴۵) شپو په موده د مسلکي زده کړو له لارې (۱۱۳) تنه سرتیري له شرعي او مسلکي زده کړو فارغ او ټولنې ته د نظامي چوپړ په موخه وړاندې شول.

د فراه ولایت د دویمې پلې لېوا قوماندان ښاغلي مولوي ادریس صاحب د سرتیرو د فراغت جوړې شوې غونډې ته په وینا کې وویل؛ چې زموږ فارغ شوي سرتیري په اسلامي عقیده، دینې روحیه، ملي احساس، هیوادپالنې، په اوسنۍ تګنالوژۍ سمبال او په پوره پیاوړتیا سره ټولنې ته وړاندې شوه.

ښاغلي ادریس همدارنګه زیاته کړه، چې یاده لېوا تر بل هر وخت په محاربوي تجهيزات سمبال ده.