لکه خښتې/ بسمل

د يو بل ولاس ته لويږې لکه خـــښتې
چې پۀ يو ګوزار ماتيږې لکه خـــښتې

ددې وخت منافقين دوه مــخې نۀ دي
پۀ شپږ اړخه څرګنديږې لکه خـــښتې

ضمـير وژنې مـاتـوي ورتـه ځانــــــونه
چې کوم قد کې نۀ ځايږي لکه خښتې

دې بې سر اوپښومخلوق ته زۀحيران يم
چې پۀ هر طرف دريږي لکه خـــــــــښتې

نۀ پوهيږم سړی څۀ فتوا پرې وکــــړي
څټ او مخ يې نۀ ښکاريږې لکه خښتې

پۀ دنيا کې خو خام پاتې شول بـسمله!!
پۀ دوزخ کې به پخيږي لکه خـــــــښتې