هند: سمندري بېړۍ کې چاودنې د سمندري ځواک ۱۳ تنو ته مرګ ژوبله اړولې

د هند اړوند یوې سمندري بېړۍ کې د زورورې او خونړۍ چاودنې له امله د سمندري ځواک یو شمېر سرتېرو ته مرګ ژوبله اوښتې، چاودنه په ممبۍ کې په یوې سمندري بېړۍ (I_N_S ریور) کې را منځ ته شوې ده.

هندي رسنۍ تائیدوي چې د یادې چاودنې له امله د سمندري ځواک درې تنه سرتیري وژل شوي او له لسو تنو ډېر سرتیري ټپیان شوي دي، په ټپیانو کې یې د ځینو روغتیایي حالت د اندېښنې وړ ښودل شوی دی.

د هندي رسنیو له مخې پېښه د ممبۍ په بحري ډاكارډ كښې رامخې ته شوې، چاودنه ښایي د بېړۍ دننه په یوې برخه کې شوې وي، خو سمدستي يې د نوعیت په اړه څه نه دي ویل شوي.

د سمندري بېړۍ عملې له چاودنې وروسته ټول وضعیت کنټرول کړی او د پېښې په اړه یې جدي پلټنې پیل کړې دي.

د سمندري چارواکو په وینا، INS رنویر سمندري بېړۍ د ختیځ سمندري کمانډ څخه د ساحل په اوږدو کې د عملیاتو لپاره روانه وه او ټاکل شوې وه چې ډېر ژر بېرته اډې ته راستنه شي خو له بده مرغه له یادې خونړۍ پېښې سره مخ شوه.