لوګر، د پوهنې د مسئولینو له لوري د اشغال د پای ته رسیدو د تړون د لاسلیک په افتخار جشنونه ولمانځل شول

د اسلامي امارت د پوهنې کمېسیون مسوولینو وړمه ورځ د لوګر ولایت اړوند برکی برک، محمدآغې، څرخ او نورو ولسوالیو کې د سهار له لسو بجو څخه تر مازدیګره پورې د اشغال د پای ته رسېدو د تړون په مناسبت پرتمینې غونډې وکړې او په ترڅ کې یې ختمونه او خیراتونه هم وشول. په دې […]

د اسلامي امارت د پوهنې کمېسیون مسوولینو وړمه ورځ د لوګر ولایت اړوند برکی برک، محمدآغې، څرخ او نورو ولسوالیو کې د سهار له لسو بجو څخه تر مازدیګره پورې د اشغال د پای ته رسېدو د تړون په مناسبت پرتمینې غونډې وکړې او په ترڅ کې یې ختمونه او خیراتونه هم وشول.

په دې غونډو کې چې د پوهنې د مسئولینو له لورې جوړې شوې وې، سیمه يیزو علماء کرامو، قومي مخورو او عامو مسلمانانو پراخه برخه اخیستې وه او د اسلامي امارت څخه يې ټینګ ملاتړ  اعلان کړ.

دغه راز په غونډو کې جیدو علماء  کرامو د اسلامي امارت  د حقانیت  او د اشغال د خاتمې د تړون د لاسلیک  اړوند موضوعات روښانه کړل.

ګډونوالو د اشغال پر وړاندې د اسلامي امارت د بر حقه داعیې کلک ملاتړ اعلان کړ او ژمنه یې وکړه چې په دې لاره کې به له هيڅ ډول قربانۍ درېغه ونه کړي.

دغه راز د معارف مسئولینو په خپلو ویناوو کې وویل چې دوی به نوی ځوان نسل په اسلامي او عصري زده کړو سمبالوي، تر څو یو راتلونکی اسلامي، روښانه او علمي افغانستان ولري.

د غونډو په پای کې د اسلامي امارت د زعیم شیخ هبة الله اخندزاده حفظه الله او د تعلیم او تربیې او د عالي تحصیلاتو د کمیسیون د مشرتابه د مبارکۍ پیغامونه ولوستل شول.

۳/۳/۲۰۲۰ م