سایبریا کې چاودنې ګڼه مرګ ژوبله اړولې

د رسنیو د معلوماتو له مخې، تېره شپه د سایبریا په مرکزي برخه کې په یوې ودانۍ کې چاودنه را منځ ته شوې چې له امله یې ګڼه مرګ ژوبله را منځ ته شوې ده.

د راپورونو له مخې، دغه چاودنه په یوې څو پوړیزه ودانۍ کې را منځ ته شوې چې له کبله یې د یادې ودانۍ یوه برخه هم نړېدلې ده.

روسي چارواکو رسنیو ته ویلي، یاده خونړۍ پېښه ”نیژني وارتوفسک“ ښار کې را منځ ته شوې، چې له امله یې ۶ کسان وژل شوي او ۹ تنه نور ټپیان شوي دي.

راپورونه وایي، چاودنه د یادې ودانۍ په دویم پوړ کې د ګاز ډبې د لیک کېدلو له امله شوې، چې خورا ګڼ تلفات یې تر شا پرېیښي دي.