نام کاربری یا نشانی ایمیل
رمز عبور
مرا به خاطر بسپار
الاماره: (۱۴۴۴/شوال ۸)په افغانستان کې د ملګرو ملتونو د مرستندویه ماموریت یا یوناما سیاسي مشر سکاټ سمیټ او مل پلاوي نن د ریاست الوزراء د سیاسي معاونیت د دفتر له عمومي رئیس مولوي ذاکر سره په سپیدار ماڼۍ کې ولیدل. په دې لیدنه کې د یوناما د سیاسي برخې مشر سکاټ سمیټ د اسلامي امارت […]
الاماره: (۱۴۴۴/شوال ۸)په افغانستان کې د ملګرو ملتونو د مرستندویه ماموریت یا یوناما سیاسي مشر سکاټ سمیټ او مل پلاوي نن د ریاست الوزراء د سیاسي معاونیت د دفتر له عمومي رئیس مولوي ذاکر سره په سپیدار ماڼۍ کې ولیدل.
په دې لیدنه کې د یوناما د سیاسي برخې مشر سکاټ سمیټ د اسلامي امارت لخوا د امنیت ټینګښت او په افغانستان کې اقتصادي پرمختګونو ته په اشارې وویل، یوناما د افغانستان اسلامي امارت د لاسته راوړنو رښتینی تصویر د ملګرو ملتونو له سازمان او نړۍ سره شریک کړی دی.
هغه وویل، په افغانستان کې له موجوده امنیت څخه په استفادې د یوناما لوړ پوړي مسئوولین توانیدلي چې د افغانستان لرې پرتو سیمو ته سفر وکړي.
ښاغلي سکاټ سمیټ په دې لیدنه کې له اسلامي امارت څخه غوښتنه وکړه، څو د نجونو د زدکړو او ښځینه وو د کار په تړاو اقدامات ترسره کړي.
وروسته د سیاسي معاونیت د دفتر عمومي رئیس مولوي ذاکر په افغانستان کې د یوناما کاري ماموریت اړین یاد کړ وې ویل، اړمنو افغانانو ته د مرستو رسولو او د هېواد د پرمختګ په برخه کې د ملګرو ملتونو د مرستندویه ماموریت(یوناما) هڅو او فعالیت ته اړتیا ده.
نوموړي زیاته کړه، یوناما دې د دوحې راتلونکې ناستې ته د اسلامي امارت د لاسته راوړنو په تړاو کره معلومات وړاندې او هغوی دې د افغانستان اسلامي امارت رسمیت پېژندلو ته وهڅوي
این مطلب بدون برچسب(تکونه) می باشد.
دیدگاهها بسته است.