کونړ: د اطلاعاتو او فرهنګ ریاست په هڅو به پنځوس زره نیالګي کېنول شي

الاماره (۱۴۴۴/رجب ۲۹) دکونړ داطلاعاتواو فرهنګ ریس او د ولایت ویاند مولوي نجیب الله حنیف د کمپاین دپیل پر وخت ځوانانو ته وویل: دنیالګیو دکینولو کمپاین یې دمرکز اسعداباد نه پیل کړو او ولسوالیوته به یې وغزوي او په لړ کې به ۵۰۰۰۰ پنځوس زره پورې میوه لرونکي،غیرې میوه لرونکي او هم زینتي بوټي نال کړي،ښاغلي حنیف د کونړ له ځوانانو وغوښتل چې په دې موسم کې هر ځوان لږ تر لږه دوه نیالګي کینوي، یو د ځان او بل د هېواد لپاره چې افغانستان سمسور شي،هوا به پاکه او د اقلیم ککړتیا به له منځه لاړه شي.
یاده دې وي چې سږ کال به په کونړکې یو میلون نیالګي دکرهنې او مالدارۍ ریاست له لوري کینول شي،چې پنځوس زره به د اطلاعاتو او فرهنګ ریاست دځوانانو مدیریت په مسوولیت د بااحساسه ځوانانو په مټ نال شي.