پکتیا: ډنډه پټان کې له پاکستان څخه راتلونکو کډوالو لپاره روغتیایي ټيم بشپړ چمتوالی نيولی

الامارة: ۱۴۴۵ ربیع الاول ۲۴

د پکتیا ولایت د ډنډې پټان ولسوالۍ کې د نورو کمیټو تر څنګ د خدماتي او روغتیایي کمیټو چارې هم ګړندۍ روانې دي او په اړوند برخه کې له لازمو تیاریو خبر ورکوي.

د پکتیا ولایت مقام ویاند وایي: نن ورځ یادې ولسوالۍ ته د هدف مؤسسې لخوا ۲۵ کاټن چې جمله ۵۵ قلمه دوا کیږي، درنارويژن اړوند کلينک ته تسليم شوه؛ د دې تر څنګ له ژمنې سره سم ادا مؤسسې لخوا هم یو روغتیایي ټیم یاد کلنیک ته رسېدلی او په کار یې پیل وکړ.
په دغه روغتیایی ټیم کې یو MDډاکتر. رواني مشاور، واکسیناتور، رواني مشاویره او قابله یا میډوایفه شامل دي.
یاد روغتيايي ټيم به ټولو هغو ګډوالو، چې له پاکستان څخه راځي، د اړینو روغتيايي خدماتو د وړاندې کولو تابیا نیولې ده.