پکتیا او لوګر ته د وارداتي برېښنا لیږد مزي تخنیکي څېړنې ترسره شوې

الاماره (۱۴۴۴/ربیع الثاني۲۴)د پکتیا برېښنا حوزې د لوړ ولټاژ تخنیکي ټیمونو له ارغندې څخه لوګر ته د وارداتي ۲۲۰ کیلوولټ برېښنا لېږد مزي تخنیکي څېړنه کې له ۳۰ د زیاتو ټاورونو او اړوند مزو او تجهیزاتو تخنیکي ستونزو ساحې په نښه او راتلونکې پلان کې شاملې کړې.
دغه راز یادو ټیمونو د لوګر پکتیا مسیر کې هم د لوړ ولټاژ مزي څېړنه کړې، چې د یو شمیر غلا شویو او زیانمنو شویو تجهیزاتو ساحې په نښه شوي دي.
ددې تخنیکي څېړنې له مخې به د زیانمن شوي مزي، انسلیټرونو، ټاورونو او نورو اړوند تجهیزاتو بیا رغونه پیل شي، څو د برېښنا بهیر له خنډ او ځنډ سره مخ نه شي.
د برېښنا تجهیزاتو خوندیتوب ته د ټولو هېوادوالو پاملرنه د بیت المال او ملي شتمنیو خوندیتوب ته پاملرنه ده او دې برخه کې همکاري د هر هېوادوال ایماني او وجداني دنده بلل کیږي.