په نیمروز ولایت کې د اکسیجن د تولید دستګاه ګټې اخیستني ته وسپارل سوه

 

زرنج، د څلورمې خور ۲۷ مه / د سلواغي د میاشتي ۱۰ مه

 

د باختر اطلاعاتي آژانس د راپور پراساس، نن په نیمروز ولایت کې د اکسیجن د تولید دستګاه د پټۍ په پریکولو سره رسمأ ګټي اخېستني ته وسپارل سوه.

 

په جوړه سوي غونډې کې د نیمروز والي، ملا نجیب الله رفیع د دې ولایت د عامي روغتیا رئیس ملا عبدالرحمن عبدالله او مرستیال حافظ مطیع الله منیب او یو شمېر ډاګټرانو هم ګډون درلود.

 

ملا عبدالرحمن عبدالله د خبرو پرمهال وویل، داچې په دې ولایت کې د ګازو ستونزې موجودې وي او د ګازو د نشتون له امله یو شمېر ناروغان  د سختیو سره مخامخ وه، د دې وروسته به د اکسیجن ستونزي نه وي.

 

وروسته د نیمروز والي، ملا نجیب الله رفیع د مبارکۍ او مننې ترڅنګ وویل، د ورته دستګاو ګټه اخېستنه ولس ته آسانتیاوي رامنځته کوي او روغتیایي خدمات په سهې بڼه وړاندي کیږي.

 

ښاغلي رفیع زیاته کړه، چې دا دستګاه په ۲۴ ساعتونو کې ۱۲۰ د اکسیجن ډبي تولیدوي ورته دستګاه کولایي سي د دې ولایت ستونزي حل کړي.

 

همدارنګه د نورفارما د شرکت مسؤول انجنیر احمد شاه، وویل: دا دستګاه د ۱۵۰ زره ډالرو په لګښت د کوردید موسسې له لوري تمویل کیدی او کولاي سي په څلوریښت ساعتونو کې ۱۲۰ ‌د ګازو ۴۰ کیلوي ډبي تولید کړي،  د انجینر احمد شاه په خبره، دا دستګاه ۹۵ سلنه  اتومات کار کوي او یو کال هم ګرنټي لري.

 

د اکسجین د تولید د دستګاه خونه د پنځو  میاشتو په ترڅ کې جوړه سوه او نن رسمأ د ټولو امکاناتو سره د دې ولایت عامي روغتیا ته وسپارل سوه.