په ناوې ولسوالۍ کي ددستار فضیلت په مناسبت جلسه جوړه سوه:

 

 

د هلمند ولایت د ناوې ولسوالۍ د هزاراسپ په سیمه کي د دیني زده کړو څخه د فاضلانو او قاریانو صاحبانو د فراغت په مناسبت جلسه جوړه سوه.

په دغه پړاو کي ۴ کسان د لویي دورې څخه او ۵ کسان د قرانکریم د تجوید او قرائت څخه فارغ سوه.

په دغه جلسه کي، د ناوې ولسوالۍ مجاهدینو، مسؤلینو، علماء کرامو، د لیري پرتو سیمو مسؤلینو او عامو وګړو ګډون درلود.

 

جلسه د قران عظیم الشان د مبارکو ایاتونو په تلاوت پیل سوه وروسته دیني عالمانو پخپل نوبت سره فارغینو ته د فراغت د مبارکۍ ویلو ترڅنګ ددیني علم د اهمیت او ارزښتونو اړوند ارزښتناکي ویناوي وکړې او فارغینو ته یې ګڼي ارزښت لرونکي سپارښتني وکړې.

 

همداراز د جلسې په جریان کي د ترانه ویوونکو لخوا خوندوري جهادي ترانې هم زمزمه کېدلې چي د برخه والو لخوا د تشویق سره مخ سوې.

 

د یاد پروګرام په وروستیو فارغینو ته د ویاړ بګړۍ وتړل سوې او د زده کړو د بشپړېدو سندونه د مدرسې د ادارې له لوري ورکړل سوه.

جلسه په اختتامیه دوعاء سره پای ته ورسېده.

 

نېټه؛ ۱۴۴۳/۷/۲۹ هـ ق