په فراه کې له ۵۰  کډوالو اواړمنو کورنیوسره نغدي مرسته ترسره شوه

په فراه ولایت کې د (UNHCR) نړیوال سازمان عالي کمیشنرۍ له خوا د (CHA) ساحوي دفتر په ګډه همکارۍ، د دې ولایت له ۵۰ بېلا بیلو کډوالو او اړمنو کورنیو سره ۲۵۵ ډالره نغده مرسته وسوه:

نن په فراه ولایت کې د (UNHCR) نړیوال سازمان عالي کمیشنرۍ له خوا، د (CHA) ساحوي دفتر په مرسته په داسې حال کې، چې د فراه ولایت، کډوالو چارو ریاست، رئیس ښاغلي مولوي محمدنقي “تندر عثماني” هم ګډون درلود، د دې ولایت له ۵۰ هغو کورنیو سره، چې په دي ورستیو کې کډوالې او بې ځایه شوې وي، ۲۵۵ ډالره نغده مرسته وشوه.

فراه ولایت، د کډوالو چارو ریاست، رئیس ښاغلي مولوي محمدنقي “تندر عثماني” د یادو مرستو د ویشلو پر وخت  وویل؛ چې ننۍ مرسته د هغو کورنیو لپاره ده، کوم چې په بېلا بیلو وختونو او سروې ګانو کې سروې شوې دي، ده زیاته کړه، چې د نن په مرسته کې د فراه ښار مرکز اړوند د والسوالیو، لریو پرتو سیمو، کلیو او بانډو وړ کسان هم پکې ګډون لري.