په فراه ولایت کې د اور لګیدنې له کبله څه باندې (۵۴۰۰۰) افغانۍ مالي زیان رامنځته او د (۵۰۰۰۰۰) افغانیو تاوان مخه ونیوله شوه.

نن دوشنبه، فراه ښار اړوند ننګاب سیمه، د سید احمد په ګازو پلورنځي کې د جنراتور ماشین د شارټي له کبله د اور لګیدنې پېښه رامنځته شوه.

د پېښې سیمې ته د فراه امنیه قوماندانۍ، د اطفائیې آمریت درې (۳) داني ځانګړي موټران رسیدلي، په یاده پېښه کې چاته کوم ځاني زیان نه دی اوښتی.

بل خوا د فراه ولایت د اطفائیې آمریت، آمر ښاغلي ملا خیرالدین “وثیق” باختر آژانس ته وویل، چې په دي پېښه کې یوازې او یوازې (۵۴۰۰۰) افغانۍ مالي زیان رامنځته او زموږ د زړور او چټک پرسونل له خوا د (۵۰۰۰۰۰) افغانیو زیان (تاوان) مخه ونیوله شوه.