په دایکندي کې د باغیانو یوه ډله وځپل شوه

الاماره (۱۴۴۴/جمادي الاول ۲) وړمه ورځ د دایکندي ولایت مرکز اړوند سیوک شیبر سیمه کې په یوه کورکې د مسلح کسانو د شتون را پورونه تر لاسه شول.
د اسلامي امارت امنیتي ارګانونو دوه ځلې د سیمي سپين ږیري ور ولیږل چې مسلح کسان باید خپلې وسلې پرځمکه کیږدي او د بغاوت هڅه ونکړي.
خو له مکررو هڅو سره سره بغاوتکونکو د وسلې له غورځولو انکار وکړ.
وروسته امنیتي ځواکونه اړ شول چې دغه ځای ته داخل شي چې له غبرګون سره مخ شول یو تن شهید او ۲ نور ټپيان شول.
بیا امنیتي ځواکونو هم متقابل برید وکړ چې له امله يې ۹ تنه مسلح کسان ووژل شول او ۴ تنه په متقابلو ډزو کې ټپيان شول.
وژل شوي کسان ټول مسلح وو او د بغاوت هڅه يې کوله، نور هلته د ماشومانو وژل کیدل یا کوم بل زیان رسیدل حقیقت نه لري.