واشېر ولسوالۍ کي د ۹۰۰ بزګرو سره مرسته وسوه:

تېره ورځ د هلمند ولایت د واشېر ولسوالۍ د لر او بچه رابیا په سیمه کي د ۹۰۰ بزګرانو سره د زراعتي اسبابو او موادو مرسته ترسره سوه.

دباختر اطلاعاتي اژانس خبر راکوي چي یاده مرسته دافغانستان دبیاودانولو ملي موسیسې د لوري د هغه بزګرانو سره ترسره سوه چي څه مده وړاندي یې د ولسوالۍ او استخباراتو تر نظارت لاندي سروې ترسره سوې وه.
خبر زیاتوي چي په مرسته کي بېلچې،کجبېلې،دسبزیچات تخمونه،لکه بېنډۍ،رومیان،پیاز،ګوبی،کرم،بانجن،ګشنیز او نور بېلابېل تخمونه شامل وه.
مرسته په داسي حال کي ترسره سوه چي د افغانستان د بېاودانولو موسیسې نماینده انجنر احمدضیاء او د ولسوالۍ او استخباراتو نمایندګانو هم حضور درلودی.

نېټه:۱۴۴۳/۸/۲۲ هــ ق