هلمند کې د نشه یي توکو پلورنکی ونیول سو :

 

تېره شپه د موثقو معلومات پر اساس د هلمند ولایت د مجاهدینو له لوري یو تن د نشه توکو پلورنکی ونیول سو.

د نشه یي توکو پلورنکی موسی د پایند زوی د کجکي ولسوالۍ د زمینداور د سیمي د شیر مولا د کلي اوسیدونکی دی.

یاد کس تېره شپه په کجکي ولسوالۍ کې دامنیه قوماندانۍ دمنسوبینو له لوري په داسي حال کې ونیول سو چې د مجاهدینو سره یې شل دقیقې جګړه وکړه چې د مجاهدینو دتکتیکي مقاومت وروسته نوموړی کس روغ رمټ له یو میل کلاشنکوف او درې د مرمیو ډک شاجورانو سره ونیول سو.

نوموړي موسی په خپل جرم اعتراف کړی او زیاتوي چې د تاریاکو، ښیښې، هېروینو، او چرسو معتادینو ته یې یاد مواد ورکول.

د نیول سوي کس دوسیه تر لومړنیو څېړنو وروسته اړونده بنسټ ته سپارل سوې ده.

نېټه؛ ۱۴۴۳/۵/۲۷ هـ ق