هلمند کي د (بست کلا) جام تر نامه لاندي د کرکټ سیالۍ پیل سوې:

نن ددغه سیالیو لومړۍ لوبه ترسره سوه، په دې سیالیو کي ۱۶ رسمي لوبډلي ګډون لري چي پر څلورو ګروپو ویشل سوي دي.
د هر ګروپ څخه به د لوړو نمرو لرونکې لوبډله نیمه پایلوبي ته لاره پیداکوي.

دا سیالۍ ۲۵ اوره دي چي هره ورځ دوې سیالۍ سهار او ماپښین ترسره کیږی او تر پایلوبي به ۱۵ ورځي په بر کي ونیسي.
په نننۍ پرانیستونکې لوبه کي سباوون لوبډلي یارانو لوبډلي ته ماته ورکړه او په دوهمه لوبه کي دعوت لوبډلي د شعیب خان لوبډلي څخه ماته ومنل.

د یادونی وړ ده چی د وزیر محمداکبر خان په دوهمه درجه کرکټ سیالیو کي هلمند په خپل ګروپ کي لومړی مقام خپل کړ او اوله درجه کرکټ سیالیو ته یې لاره پیدا کړه چي د سیالیو غوره توپ اچونکي او غوره توپ وهونکي هم هلمندي ځوانان غوره سوه.

نېټه؛ ۱۴۴۳/۷/۲۲ هـ ق