هلمند پوهنتون کي د امریکا دولسمشر جوبایډن د وروستۍ پرېکړي پر ضد اعتراضیه غونډه وسوه :

 

 

 نن ورځ چهارشنبه  د امریکا له لوري د افغانستان د کنګل شویو پیسو او د هغوی د بې ځایه لاسوهنو په اړوند د  هلمند پوهنتون په تالار کې د پوهنتونونو  د استادانو له لوري اعتراضیه غونډه ترسره شوه.

غونډه دمعمول سره سم  د قران کریم دڅومبارکو ایاتونو په تلاوت سره پیل شوه.وروسته  د پوهنتون رئیس ښاغلي پوهنیار محمد سورګل عبدالرحمن وویل د امریکا له لوري د افغانستان بودیجه کې داسي بې ځایه تصرف د نړۍ د هیڅ قانون له مخې توجیهه کېدای نه شي او دا کړنه  یې یوه احمقانه او بې ځایه پریکړه وګڼله.

 

 وروسته د هلمند د دولتي او خصوصي پوهنتونونولپاره د لوړو زده کړو وزارت فوق العاده استازي ډاکتر سمیع الله سعید وویل  د غربي استعمار داسي کړنې د افغانستان د مجاهد ملت په حق کې ستره جفا او ستر خیانت دی، هیڅ قانوني او حقوقي اساس نه لري او د ټولو نړیوالو نورمونو او اصولو خلاف عمل دی، او له اسلامي امارت څخه یې غوښتنه وکړه، چې د هیواد په سطحه دي یو پلاوی د افغان ملت په نماینده ګۍ د دې عمل د قضایي اړخ مخته وړلو په هدف  نړیوالي سترې محکمې ته ولېږي، نوموړي وویل امریکا په افغانستان کي نظامي ماته خوړلې اوس غواړي د افغانستان په وړاندي یوه بله جګړه چي اقتصادي جګړه ده تمرین کړي.

 

ورپسې پوهنیار حمیدالله حمیدي په خپلو خبرو کې وویل یادې پیسې د ولس شتمني ده، امریکا دې پر موږ د کړي جنګ تاوان نه اخلي، چې دا کړنه د نړیوالو نورمونو خلاف او د یو ابر قدرت لپاره ذلیلانه عمل دی.

 له دې وروسته پوهنیار اسدالله اندیال موضوع له اقتصادي اړخه ښه وشنله، ویې ویل دا پیسې د ولس شتمي ده، چې په امریکا، سویس ، برطانیا او عرب متحده اماراتو کې خوندي دي، کنګل کېدل یې د امریکا سیاسي فشار دی ، له اقتصادي او قضایې اړخه هیڅ صحت نه لري ، بلکې یوازي افغان ملت له خوږ ګوتې نیول شوی دی.

 

د غونډې په وروستۍ برخه کي د خصوصي پوهنتونونو په استازیتوب استاد عبدالودود طراح وویل  افغانستان یو غني هیواد دی، منظم سیستم ته اړتیا ده چې خود کفا شو،هغه د غرب دا کړنه  یو ناسم عمل وباله.غونډه د اختتامیه دعاء په لوستلو سره پای ته ورسېدل.

 

نېټه:۱۴۴۳/۷/۱۵ هــ ق