هلمند: باباجي کي یو کس په خپل منځي شخړه کي وژل سوی.

 

دهلمند ولایت دباباجي ولسوالۍ ځایي مسوولینو باختر آژانس ته وویل؛ سیدګل د محمد زوی،چی اصلاً د کندهار ولایت اوسېدونکی دی او فعلاً د هلمند ولایت په باباجي ولسوالۍ کي د حاجي درویزه خان په کلي کي اوسېږي.

دغه سیدګل نامي د خپل پلار محمد او ورور نسیم سره د کور په انګړ کي لفظي شخړه وکړه ،چي تر لفظي شخړي وروسته د ډېرو وهلو او ورسته اخیري ګوزار یې پرسر په تبر وهلی ؤ،چي د تبر د ګوزار له امله نوموړی کس تېره شپه خپل ژوند له لاسه ورکړ.

د وژل سوي کس پلار او ورور دامنیتي مسؤلینو له خوا نیول سوي دي چي تر تحقیق وروسته به یې دوسیه عدلي ارګانو ته وسپارل سي.

 

۱۴۴۳/۶/۱۶ هــ ق