نادعلي ولسوالۍ کي د دستارفضیلت په مناسبت شانداره جلسه ترسره سوه:

 

نن د هلمند ولایت په نادعلي ولسوالۍ کي ددیني زده کړو د لویي او وړې دورې د فارغینو د فراغت په موخه شانداره جلسه ترسره سوه.

فارغین ټول ۱۵ کسان وه چي له جملې یې ۲ مفتیان ۲ مولوي صاحبان او پاته نور قاریان صاحبان وه.

 

په دغه جلسه کي علماء کرامو، د مدرسې استادانو، نعت خوانانو، مجاهدینو او د نادعلي ولسوالۍ اوسېدونکي  ګډون کړی وو.

 

غونډه د قرانکریم د څو مبارکو ایاتونو په تلاوت پیل سوه وروسته ګڼ شمېر دیني عالمانو په خپل وار سره ددیني زده کړو پر ارزښت، د قرانکریم د قرائت او تجوید د زده کړي او فضایلو په اړه ارزښتناکي او علمي ویناوي وکړې.

 

د جلسې په بهیر کي د نعت خوانانو له خوا خوږې او بېلابېلي حماسې ترانې هم زمزمه کېدلې چي د ګډونوالو لخوا په ډیر شوق سره بدرګه کېدلې.

 

د پروګرام په وروستیو کي فارغ سوو فاضلانو او قاریانو صاحبانو ته د فراغت سندونه ورکړل سوه او جلسه په دعائیه وینا پای ته ورسېده.

 

د یادوني وړ ده چي د جلسې امنیتي چاري د نادعلي ولسوالۍ د استخباراتو د مسئول محترم  واحدیار صاحب د ملګرو تر مدیریت لاندې وې.

 

نېټه؛ ۱۴۴۳/۷/۲۸ هـ ق