مجاهد: د خوارجو پر یوه پټنځای د عملیاتو پر مهال، ۵تنه خوارج ووژل شول

الاماره (۱۴۴۴/ربیع الثاني۱۸) د اسلامي امارت ویاند «ذبیح الله مجاهد وایي: تېره شپه د کابل ښار د پنځلسمې حوزې اړوند پنج صد فامیليو په سیمه کې د خوارجو په یوه پټنځای د اسلامي امارت د ځانګړو ځواکونو لخوا عمليات تر سره شول چې په پایله کې یې ۵ تنه خوارج ووژل شول.
نوموړی زیاتوي، دغه کسان د یوې مهمې شبکې غړي وو، چې په کابل ښار کې یې په کوچنیو انفجاراتو کې لاس درلود او غوښتل يې ځینې لویې تخریبي کړنې ترسره کړي، چې لله الحمد مخکې له مخکې کشف او له منځه یوړل شول.
مجاهد ویلي چې له یاد پټنځای څخه یو شمېر وسلې، لاسي بمونه، ریمودونه، او چاودېدونکي توکي تر لاسه شوي دي.