فراه : ګڼ شمیر تاریخ تیر درمل او خوراکي توکي وسوځول شول

د فراه ولایت، په فرارود والسوالي کې، د روغتیایې مسؤلینو له خوا، ګڼ شمیر تاریخ تیر درمل او خوراکي توکي، چې د یوې ورځې په موده یې د دې والسوالي په درملتونونو او هټیو کې نیولي او راټول کړي وه، د مسؤلینو او رسنیو په شتون کې وسوځول.

د یادو توکو د سوځونې په ځای کې روغتیایي مسؤل ملاعبدالهادي قتیبه  له خلکو وغوښتل، چې د درملو او خوراکي توکو د رانیولو پر مهال دې د هغو تاریخ او کیفیت ته پاملرنه وکړي، ده همدرانګه په دي والسوالي کې د بې کیفیته او تاریخ تیرو درملو او خوراکي توکو د راټولو اوسنی بهیر کمزوری وبلل او ویې ویل؛ چې مسؤلې ادارې دي، په دې برخه کې خپل فعالیتونه غرنیو او لیرې پرتو سیمو ته هم وغځوي.

د فرارود والسوالي په درملتونونو او دوکانونو کې له تاریخ تېرو او بې کیفیته درملو، همدارنګه د خوراکي توکو له شتون څخه خلک په پرلپسې توګه سر ټکوي، خو مسؤلین وايې، چې د دوی د روغیتايي څیړنې او کنټرول ټیمونه ګرځي او هر ځای چې دا ډول توکي ووینې، له توپیر پرته يې راټولوي او بیا يې له منځه وړي.