فراه ولایت د شیخ ابونصر فراهي بندر د سړک له رغنېزو چارو څخه د دې ولایت د ټولګټو ریاست د رئیس او دفراه د ښاروال لیدنه

نن  ناوخته د فراه ولایت، ټولګټو ریاست رئیس، مولوي عبدالمالک “معتصم”، او ده فراه ولایت ښاروال مولوي عبدالظاهر خادم په داسې حال کې د شیخ ابونصر فراهي بندر د سړک له رغنېزو چارو، څرنګوالی، ښه والي، بد والي، کاري پرسونل، وسایلو او نورو برخو څخه د څارنې او کتنې په موخه لیدنه وکړه، چې د ټولګټو ریاست اړوند د تخنیکي او انجینري ټیم، مسلکي او پیاوړي انجینران هم مل وه.

ښاغلي معتصم  وویل، چې د سړک کارونه ښه په چټکۍ سره روان دي، زموږ د تخنیکي او انجینري ټیم له خوا یې ټولې چارې وکتلې شوې، چې په پایله کې یې د ځینو برخو کمزورۍ په ډاګه شوې، چې د یادو کمزوریو د سمون لپاره ورته لازمې لارښوونې وړاندې شوې، ده زیاته کړه، چې یوازې د ۱۹ کیلو متره په کموالي سره به، په دي نږدې ورځو کې د فراه ښار د باغپل له سړک سره ونښلي.