فراه : د فراه امنیه قوماندان صاحب په مشرۍ د اداري غونډه ترسره شوه

نن ورځ د فراه ولایت امنیه قوماندان حاجي صاحب نعمت الله “معصوم” په خپل کاري دفتر کې د دې قوماندانۍ له مدیرانو او آمرینو سره وکتل.

په پیل کې غونډه د قرانکریم د څو مبارکو ایتونو په تلاوت سره پیل شوه، ورپسې امنیه قوماندان مدیرانو او آمرینو ته ښه راغلاست وویل.

مديرانو او آمرینو په اداري غونډه کې خپل کاري راپورونه وړاندې کړل او د اداري دندو د لا ښه پرمختيا په موخه يې له امنيه قوماندان صاحب سره خبرې وکړي.

د فراه ولايت امنيه قوماندان د دغو منسوبينو د کار ستاينه وکړه او ويې ويل، چې د خپلو خلکو خدمت کول زموږ د ټولو دنده ده، هغه همداشان د دندو لا ښه پرمخ بیولو په موخه لازمې لارښوونې او هدایتونو ورته وړاندې کړل.