د کرنې اوبو لګولو او مالدارۍ  وزارت د مالي او اداري چارو معین د یو ګډ پلاوي په مشرۍ د هلمند ولایت د کرنې ریاست د فعالیتونو د ارزونې لپار دې ولایت ته راورسېد:

د کرنې اوبو لګولو او مالدارۍ وزارت د مالي او اداري چارو معین مولوي فضل الباري (فضلي) صاحب  د هلمند ولایت د کرنې اوبو لګولو او مالدارۍ ریاست د کړنو د اروزنې په موخه هلمند ولایت ته راورسید.

نن له غرمې مخکي د یاد ریاست د رئیس او اداري کارمندانو سره یې پر مختلفو موضوعاتو باندي بحث وکړ.

د هلمند ولایت د کرنې رئیس مولوي سید جلال الدین آغا د کرنې اوبو لګولو او مالدارۍ  وزارت د مالي او اداري چارو معین مولوي فضل الباری (فضلي)  ته د ښه راغلاست تر څنګ د یاد ریاست د فعالیتونو په اړه معلومات وړاندې کړه او زیاته یې کړه چی د یاد ریاست کارونه د یو منظم پلان له مخي مخته روان دي او مراجعینو ته د ځنډ پرته خدمات وړاندې کیږي.

ښاغلي معین صاحب د یاد ریاست د رئیس او اداري کارمندانو د فعالیتونو ستاینه وکړه او زیاته یې کړه چې د کرنې اوبو لګولو او مالدارۍ وزارت هوډ لري تر څو په هیواد کې د کرنې وزارت د شته فرصتونو څخه په ګټي اخیستنې سره د مصرفي خدماتي وزارت څخه په عایداتي خدماتي وزارت تبدیل شي چي په دي لړ کې یې د هیواد په ۳۴ ولایتونو کې د عایداتو د نویو سرچینو د تثبیت ، تزید او په شفاف ډول د عوایدو د ټولولو لپاره یوه طرحه جوړه کړي ده چې په ډیر نېژدې وخت کې به چمتو او د تطبیق په غرض ټولو ولایتي ریاستونو ته د اجرا په موخه واستول شي.

نېټه؛۱۴۴۳/۵/۵ هـ ق