د کابل ښار، د څلورمې ناحیې یو شمېر بازارونه له ښاري بې نظمیو پاک شول

الاماره (۱۴۴۴/جمادي الاول ۲) بشپړ ښاري نظم ته د رسېدو په موخه، د څلورمې ناحیې د مارکیټونو د تنظیم مدیریت له لوري د سرای شمالي او میوې مارکیټ بازارونه له ښاري بې نظمیو څخه پاک شول.
د څلورمې ناحیې د مارکیټونو د تنظیم مدیر محمد خالد اوریاخیل وایي چې، په يادو سیمو کې ګرځنده پلورونکي او هغه موټر چې، د بې نظمۍ او ګډوډۍ سبب ګرځيدلي وو، تنظیم اوټاکلو شویو ځایونوته ولیږدول شول.
د نوموړي په وینا، هیڅ چاته به اجازه ورنه کړل شي چې بیا ځلي د ښاري بې نظمیو سبب وګرځي.
دغه راز له تنظیم شویو سیمو څخه به دوامداره څارنه کیږي.