د هلمند امنيه قوماندان د خپل اداري مديرانو او امرينو سره غونډه وکړه

دغه غونډه   د دې ولایت د امنیه قوماندان حاجي ملا محمد نعيمم (معتمد) په مشرۍ جوړه سوې وه چي پکښي د امنيه قوماندانۍ اړوند د اداراتو مديرانو او امرينو ګډون کړی وو.

غونډه د جنایي جرمنو پر وړاندي د مبارزې مدير روحاني مولوي صاحب د قران عظیم الشان د څو مبارکو آیاتونو په تلاوت سره راپیل کړه.
وروسته یوشمېر مسؤلینو خپلي ستونزي،غوښتني او وړاندیزونه له امنيه قوماندان سره شریک کړل او د دې تر څنګ یې د خپلو فعالیتونو او لاسته راوړنو په اړه معلومات هم وړاندي کړه.
د غونډي په پای کي امنيه قوماندان راغلو مسؤلینو ته د کارونو د چټکتيا په موخه لازمي سپارښتني وکړې او د هغوی فعالیتونه يې وستایل، همدارنګه يې دوی ته ډاډ ورکړ چي د ستونزو د حل په موخه به یي جدي اقدامات کوي.
غونډه په دعائیه وینا پای ته ورسېده.

نېټه؛ ۱۴۴۳/۶/۲۲ هـ ق