د لوړو زده کړو سرپرست وزير کندهار ته په رسمي سفر د کرنيزو علومو او ټکنالوژۍ ملي پوهنتون “اناستو” څخه ليدنه وکړه.

 

 

پرون د لوړو زده کړو سرپرست وزير شيخ عبدالباقي حقاني د کندهار له پاره د لوړو زده کړو وزارت د ځانګړي استازي انجنير محمد ناصر نېکزاد په ملتيا د افغانستان د کرنيزو علومو او ټکنالوژۍ ملي پوهنتون “اناستو” څخه ليدنه وکړه.

 

د لوړو زده کړو سرپرست وزير د خبرو په پیل کي د افغانستان ا.ا د بريا په اړه خبري وکړې او مبارکي ئې وړاندي کړل، وروسته ئې د لوړو زده کړو وزارت لاسته راوړني بيان کړې او د موجوده امکاناتو په اړه وږغېد.

ښاغلی حقاني د کرني او مالدارۍ سکټور پر پياوړتيا او د هيواد په کچه ئې پر اقتصاد باندي د مثبتو اغېزو په اړه هم معلومات شریک کړل؛ د اناستو پوهنتون اهميت ته په اشاره ئې د یاد پوهنتون سره د لوړو زده کړو وزارت له خوا د بشپړ همکارۍ ډاډ وړاندي کړ.

 

د ليدني پر مهال د وترنرۍ پوهنځي رئيس پوهنيار صفي الله جوهر ته،  چي په ماليزيا کي ئې د UPM په پوهنتون کي د ماسټرۍ برنامې د غوره محصل ستاينليک ترلاسه کړى وو، د لوړو زده کړو وزير له لوری لا زیات وهڅول سو او نغدي جایزه هم ورکړل سوه.

 

د غونډي نورو برخوالو د اناستو پوهنتون د راتلونکو پلانونو اړوند معلومات شريک سول؛ د لوړو زده کړو وزير له خوا په هره برخه کي د همکارۍ له پاره ځانګړي استازي ته دنده وسپارل، چي د اړوندو اداراتو تر منځ د همږغۍ مجلسونه داير کړي او چاري ئې په منظم ډول ګړندۍ مخته یوسي.