د فراه د مرکزي زندان د عمومي مدیر په مشرۍ اداري غونډه ترسره شوه!

۱۴۰۱/۱/۱۰
فراه باختر

دغه غونډه چې د فراه ولایت مرکزي محبس د عمومي مدير ملا لعل محمد ذاکري په مشرۍ جوړه شوې وه، د محبس ټولو اړوندو مسوولينو په کې برخه اخيستې وه.
غونډه د قران د څو مبارکو آیتونو په تلاوت سره پیل شوه، ورپسې ښاغلي ذاکري وویل: د شته ستونزو د هواري لپاره باید د امارت هر مسوول په دقت سره کار وکړي.
هغه زیاته کړه، هر لوړ رتبه مدیر مکلف دی، چې خپل تر لاس لاندې مدیران د دندو د ترسره کولو لپاره حاضر کړي، که نه نو ورسره به قانوني چلند وشي.
هغه زیاته کړه چې دا نظام د امارت د شهیدانو په وینو جوړ شوی، که له تاسو څخه څوک د امارت د اصولو خلاف کار وکړي او په فساد کې ښکیل وي، محکمي ته معرفی کیږي، نو هیڅ څوک بیا حق د شکایت نه لري.
ښاغلي ذاکري همداراز زیاته کړه چې زاڔه اونوي مدیران د دوی په اداره کې د اسلامي امارت د دیني احکامو په رعایت مکلف دي، او که دیني اوامرو ته پاملرنه نکوي د دندو ګوښه کيږي.
په مقابل کې په غونډه کې ټولو حاضرو کارکوونکو د دغه مسوول د خبرو د بشپړ اطاعت خبر ورکړ او ویې ویل چې موږ هر یو د دې نظام تر چتر لاندې دنده لرو چې په صادقانه توګه ېې باید ترسره کړو.
داطلاعات اوکلتور،ریاست.
۱۴۴۳/۸/۲۷ق