د غزني ولایت د ښوونې او روزنې ریاست تدریسي مرستیال په غزني کې د سویډن کمیټې له ولایتي مسئولینو سره ناسته تر سره کړه!

په یاده ناسته کې د ریاست د تدریسي مرستیال مولوي عبدالقدیم محمد سربیره د انسجام او همغږۍ آمر، د مقر، زنخان او خواجه عمري ولسوالیو د پوهنې آمرینو هم شتون درلود.
مولوي عبدالقدیم محمد د سویډن موسسې له کړونو او فعالیتونو ستاینه وکړه او د موسسې له مسؤلینو څخه یې وغوښتل چې په غزني ولایت کې خپل فعالیتونه نور هم پراخ کړي ترڅو ټولو محرومو سيمو ته د علم او زده کړو زمینه برابره شي چې په ځانګړي ډول د کلیوالي ټولګیو په زیاتیدو، د ښوونکو او مامورینو د ظرفیت لوړونې، د ښوونځیو او مدرسو د ودانیو جوړول او بیا رغونه او همداشان د ښوونځیو او مدرسو په تجهیز کې یې د موسساتو همکاري اړینه وبلله. د موسسې مسئولینو خپلو امکاناتو ته په کتو د هر اړخیزې همکاري ډاډ ورکړ او غونډه د دعائیې په ویلو سره پای ته ورسیده.