د عالیقدر امیرالمؤمنین حفظه الله په حکم په یو شمیر ارګانونو کې تازه ټاکنې وشوې

د عالیقدر امیرالمؤمنین حفظه الله تعالی د حکم پر اساس لاندي تعینات وشول:
۱ـ د ټولګټو وزارت د اوسپني پټلۍ مخکنی معین ملا بخت الرحمن شرافت، د عامي روغتیا وزارت د مالي او اداري معین په توګه.

۲ـ د عامي روغتیا وزارت مخکنی مالي او اداري معین مولوي محمد اسحق صاحبزاده، د ټولګټو وزارت د اوسپني پټلۍ د معین په توګه.
۳ـ د کندوز ولایت مخکنی والي ملا نثار احمد نصرت، د کلیو د پراختیا او بیا رغونې وزارت د کلیو د ابادۍ د معین په توګه.

۴ـ د ۲۰۵ البدر قول اردو مخکنی قومندان ملا محمد خان دعوت، د کندوز ولایت د والي په توګه.
۵ـ د هلمند ولایت ګریشک ولسوالۍ مخکنی ولسوال مولوي حیات الله مبارک، د غور ولایت د والي په توګه.
۶ـ د غور ولایت مخکنی والي ملا احمد شاه دیندوست، د ۲۰۵ البدر قول اردو د قومندان په توګه.

۷ـ د کرنې اوبو لګولو او مالدارۍ وزارت د بشري سرچینو مخکنی رئیس مولوي عبدالولي اتقاني، د جوزجان ولایت د امنیه قومندان په توګه.
۸ـ د هلمند ولایت د موسی قلعه ولسوالۍ مخکنی امنیه قومندان ملا عبدالسلام حسیني، د کاپیسا ولایت د امنیه قومندان په توګه.
۹ـ د بادغیس ولایت د امنیه قومندانۍ مخکنی د امنیت آمر حاجي نور آقا حیدر، د غور ولایت د امنیه قومندان په توګه.
۱۰ـ د جوز جان ولایت مخکنی امنیه قومندان قاري حفیظ الله پهلوان، د باغیس ولایت د امنیه قومندانۍ د امنیت د آمر په توګه.
۱۱ـ د ننګرهار ولایت د پوهنې مخکنی رئیس مولوي عزیز الله مصطفی، د همدې ولایت د والي د مرستیال په توګه.
۱۲ـ د کاپیسا ولایت مخکنی امنیه قومندان حاجي محمد عثمان، د کرنې، اوبو لګولو او مالدارۍ وزارت د بشري سرچینو د رئیس په توګه.

۱۳ـ د بهرنیو چارو وزارت مخکنی مالي او اداري معین مولوي رحمت الحق فضیل، د مرکزي دار الافتاء د غړي په توګه.

له الله تعالی څخه ټولوته په محوله امورو کې توفیق غواړو.