د سالنګونو د ساتنې او څارنې رياست د تیرې ورځې کړنې

الاماره (۱۴۴۴/ربیع الثاني۲۰) په شمالي او جنوبي سالنګونو کې د ترافيکي تگ راتگ خوندي ساتلو په موخه اړوند پرسونل ريگ پاشي او لازمو سهولتونو برابرولو لپاره توظيف شوی وو، ترڅو د ترافيکو جريان عادي او مسافر له ځاني او مالي تلفاتو خوندي واوسي.
څو ډمټرکونو له مخکې نه ټاکل شوي ځای څخه د تخنيکي ريگ راوړلو لپاره هم کار وکړ او دا پروسه به دوام لري.

يادونه: پرون سهار وختي د سالنګونو پر لوړو لږ واوره اورېدله، او تر نن ماسپښين پورې باد چلېده او اوس د سالنګونو په دواړو خواوو کې هوا پاکه او فضا بې وريځې ده؛ باروړونکی وسايط له شماله جنوب ته روان او مسافر وړونکي وسايط له دواړو اړخونو تگ راتگ کوي.