دهلمند په کجکي کې یو تن دیرلس کلن هلک د اختطاف کونکو د منګولو څخه وژغورل سو :

د هلمند ولایت د باغران ولسوالۍ یو تن دیرلس کلن هلک اغاولي ولد بسم الله چې شاوخوا دوې میاشتې مخکي مدرسې ته پر لاره اختطاف سوی وو.
نن ورځ دکجکي ولسوالۍ د پیاوړو منسوبینو له خوا په یو کور کې پیدا او د اختطاف کونکو څخه وژغورل سو.
د موضوع په تړاو د محمدداود په نوم کس چې د عبدالحمید زوی او د زمینداور د چارباغ کلي اوسېدونکی دی هم نیول سوی دی چې دغه هلک یې په کور کې ساتل کېدی.

اختطاف سوی هلک وخپل کورنۍ ته او نیول سوی مجرم کس و اړوند ارګان ته وسپارل سو.

د پېښي اړوند څېړني رواني دي تر څو پاته نور مجرمین هم ونیول سي.

نېټه:/۱۴۴۳/۵/۲۰ هـ ق