دلښکرګاه لمړۍ حوزې سیمه کې ترافیکي پېښه وسوه

نن سهار د هلمند ولایت مرکز لښکرګاه ښار لمړۍ حوزې سیمه کې سبحان مارکېټ ته څېرمه ترافیکي پېښه رامنځ ته سوه.

دباختر اطلاعاتي اژانس خبر راکوي چې یاده ترافیکي پېښه د یوه عراده فلډر موټر او موټرسېکل د ټکر له امله را منځ ته سوه.

چې په پایله کې د موټرسېکل چلونکي پښه ماته سوې او ژوبل سوی دی.

ژوبل سوی کس د امنیتي منسوبینو له خوا بست روغتون ته رسول سوی او فلډر چلونکی هم نیول سوی دی.

پېښه د ترافیکو مدیریت تر بررسۍ لاندي ده.

چې ډېر ژر به یې په اړه اصولي اجرائات ترسره سي.

 

نېټه:/۱۴۴۳/۷/۵ هــ ق