تورخم کې په سلګونو جعلي پاسپورټونه، ویزې او نور اسناد نیول شوي

الاماره (۱۴۴۴/رجب ۲۸) د  تورخم کمیسار مولوي محمد صدیق خالد رسنیو ته ویلي چې د څو میاشتو په اوږدو کې یې یوسلو درې اتیا جعلي پاسپورټونه او یوزرو پنځه دیرش جعلي ویزې په سلګونه جعلي تذکرې د عاملینو سره یو ځای نیولي دي.

نوموړی زیاتوي، هیچاته اجازه نه ورکوو چې د تورخم بندر له لارې غیرې قانوني کړنې ترسره کړي که هغه د اموالو قاچاق وي او که غیرې قانوني اسناد.

نوموړي وویل : هره ورځ زمونږ د تورخم ویښ او بیدار مجاهدین د ټولو ارګانونو په ګډه همغږۍ په لسګونه هغه اسناد چې جعلي وي او یا یې قانوني وخت پوره شوی وي نیول کیږي.

د تورخم کمیسارۍ په تورخم کې د تلونکو اوراتلونکو کسانو لپاره ښه کافي امکانات برابر شوي چې په خپل وخت د مامورینو له لوري ددوی پاسپورتونو ته دخولي او خروجي ټاپي  په اساني سره لګول کیږي.