له پنجشير ولايت نه په تازه ترلاسه شوي خبر کې راغلي چې د اسلامي امارت مجاهدينو د عزم عملياتو په لړ کې د دغه ولايت دره عبدالله خیل ولسوالۍ فتحه کړه.
د راکړل شوي خبر په اساس د ولسوالۍ په ودانۍ او امنيه قومنداني بيګا شپه ۱۰ بجې د سپکو او درنو وسلو بريد پيل شو چې په نتېجه کې يې ودانۍ په بشپړه توګه فتحه شوې.
مجاهدينو د ولسوالۍ په ودانۍ له بريد وړاندې شاوخوا سيمي فتحه او بيا د ولسوالۍ په ودانۍ بريد وکړ، په ولسوالۍ له بريد مخکې ۷ کلي، خوجه، عبدالله خيل، تنخو، پزګران، قلعه او دهن ګز په مکمل ډول د دښمن له حضوره پاک کړل.
د بريدونو په مهال ۵ رينجر موټر تخريب او ۲ کرولا موټر وسوزول شول.
د ولسوالۍ په ودانۍ کې ۳ پوليسو خپل ژوند له لاسه ورکړی او ګڼ نور د جاسوسي ادارې د کارمندانو او مامورينو په شمول ټپيان شوي دي.
په ودانۍ کې مجاهدينو ۵ کلاشنکوفونه، ۱ پيکا، ۳ راکټ او لسګونه صندوقونه مختلف النوع مرمۍ غنيمت کړې.
د دښمن په متقابلو ډزو کې د اسلامي امارت ۲ مجاهدين ټپيان شوي.
مجاهدين وايي اوس يې د ولسوالۍ او امنيه قومنداني ودانۍ پريښي او په شاوخوا سيمو کې يې سنګرونه نيولي دي، دوی وايي ولسوالۍ ته راغلي ټولي لاري يې د دښمن پرمخ تړلې.
2015-05-16
