بیبیسی د آسوشیتدپرس اژانس په حواله خبر ورکړی، چې یوې امریکايي محکمي له لوري ۱۲ تنه امریکايي عسکر، چې د کندوز په یوملکي روغتون د برید په تړاو پړه بلل شوي و، په تنبیهي سزا محکوم وګرځول.
خبر د پنتاګون د سرچینو له قوله وايي، دغه ۱۲ تنه امریکايي عسکر چې دیوه رتبه هم جنرالي ته نه رسیده او ټول ټیټ رتبه پوځیان وو ټولو ته تنبیهي سزا واورول شوه، په دې مفهوم چې څوک توبیخ او د چا تر څو اونیو پورې دندې معلقي وګرځیدې!!!
په همدې ترڅ کې یوه بشري سازمان د کندوز د بې سرحده ډاکټرانو په روغتون، چې د تیرکال په اکتوبر میاشت کې امریکايانو بمبار او ۴۲ تنه افغانان یې پکې ووژل په تړاوو یې جوړه شوې محکمه جعلي وبلله او ۱۲ امریکايي پوځیانو ته یې تنبیهي سزا له انصاف اوعدالت سره جفا یاده کړه.
سازمان تعجب ښکاره کړی اوویلي دي، چې هم جرم امریکایانو کړی، هم تحقیق هغوی تر سره کوي او هم بیا د سزا په باب تصمیم یوه خاصه امریکايي محکمه چې هر څه په خفیه شکل تر سره کوي صورت نیسي، چې دا په خپل ډول کې له قانون سره زیاتی او د کندوز د قربانیانو سپکاوی دی!!
له تیرو ۱۵ کلونو راهیسي امریکایانو د هوايي بمباریو، ډرون بریدونو، چاپو او نوروعملیاتو کې له دریو لکو زیات افغانان ووژل، شکنجې او په زندانونوکې د افغانانوکړول او ربړول خو پرځای پریږده، امریکایانو تر اوسه نه ده منلې چې په افغانستان کې د دوئ پوځیانو جرم او جنایت کړی او یا يي ملکي خلک وژلي؛ ولې څو داسې پیښې رامنځته شوي چې امریکایانو ترینه په هیڅ ډول ځانته برائت نشو ورکولای، لکه د افغانانو په ودونو، جنازو، جوماتونو، مدرسو او ولسي ځایونو یو لړ بمباري!
د هماغه پیښو په تودو ورځو کې امریکايي چارواکوکلکي ژمني کولي که چیرې عسکر یې پړه وبلل شي نو سزا به ورکوي او قربانیانو ته به مناسبه معاوضه ورکوي، خو ورسته ولیدل شول چې امریکایانو هغه پیښي په څه ډول تعقیب او خپلو مجرمو عسکرو ته یې کوم ډول سزا وي ورکړي!!؟
د کندهار د پنجوايي پیښه کې چې ۱۷ تنه بې وزله افغانان پکې ووژل شول او امریکايي قاتل اعتراف هم وکړ خو یوې نمایشي محکمي هغه قاتل ته د ۱۷ تنو مظلومو افغانانو د وینو په سر تنها اداري تنبیه ورکړه او هغه ۱۷ تنه چې د دریو کورنیو غړي وو، د کورنۍ په سر ۴۶ زره ډالر ورکړل شول، که څه هم امریکايي پلوه میډیا په هغه وخت کې دا خبره تبلیغ کړه چې هر وژل شوي کس ته یاد مقدار ورکول کیږي، خو حقیقت وروسته ښکاره شو چې د کورنۍ په سر ۴۶ زره ډالر نه وو ورکړل شوي.
په مقابل کې بیا د یوه امریکايي عسکر د ویني قیمت ته وګورئ چې په ۲۰۰۲ کال کې په افغانستان کې وژل شوی وو، یوې امریکايي محکمې د ګوانتامود یوه زنداني (احمدسعید) پلار ۱۰۰ میلونه ډالر له دې امله مجازات او جریمه کړ چې امریکايي عسکر طالبانو وژلی او احمد سعید له طالبانو سره فکري تړاو درلود او د همدغه فکر له امله نوموړی د ګوانتانامو زندان ته اچول شوی، نو پلار یې باید د یوه وژل امریکايي عسکر د وینو قیمت سل میلونه ډالر ادا کړي.
نور بې شمیره مثالونه او بیلګي شته چې د امریکا کثیفه څیره بې نقابه کوي او د انسانیت او بشري کرامت په باب یې دوه مخی چلند رسوا کوي؟!
امریکایان له دې امله هم خپل ځانته د افغانانو وژل جایز عمل بولي او وینه یې هدر شمیري چې د کابل تالیڅټي رژیم ورسره د امنیتي تړون په نامه همدا موافقتنامه لاسلیک او په تصویب رسولې، چې امریکایې عسکر په هر ډول پیښو کې قضايي مصونیت لري، په دې معنا، که امریکایي عسکرو د اسلامي شعایرو، عظیم الشان قران، د اسلام د ستر پیغمبر او افغاني ارزښتونو توهین او سپکاوی کاوه لکه چې په کراتو مراتو یې تر سره کړ او یا د امریکايي پوځیانو په لاس افغانان وژل کیدل، نو څوک حق نلري چې د ملامتي ګوته هغوی ته ونیسي او یا یې د محکمي کولوغوښتنه وکړي.
په هر حال د کندوز د ۴۲ تنو مظلومونو افغانانو د قاتلینو په حق کې د پتناګون وروستۍ پریکړه چې خبره یې په تنبیهي سزا یعني د یوې میاشتي معاش په معلق کولو تمامه او خلاصه کړه د انسانیت په ټنډه یو لوی او کرغیړن داغ دی.
خپل مجاهد ولس ته ورپه یادوو، چې دا د هغه امنیتي تړون زهرجني نتیجې او غملړلي پایلي دي چې د مزدور رژیم مزدور و مفکرینو او د رټل شوي ټلوالي جنګسالارانو زمونږ پر هیواد او ولس د خپلو منحوسو منافعو په خاطر مسلطي او وتپلي.
خو ارزو لرو چې د نوو پسرلنیو عملیاتو په پیل او د نوي کال په را د بره کیدو به د توانا رب ( جل جلاله ) په خاص عنایت د کفر او اشغال لمن ټولیږي او هغو چې د اسلام او هیواد په حق کې له استکبار او ښکیلاک سره معاملي کړي، ارو مرو به خپل انجام ته رسیږي او د اسلامي عدالت میز ته به کشکیږي. وماذالک علی الله بعزیز.
