بسم الله والحمد لله، والصلاة والسلام علی نبینا محمد وعلی آله وصحبه ومن والاه وبعد:
یقینا چې په مسلمانانو د خپلو ورونو په وړاندې له سترو واجباتو څخه د هغوی ملاتړ، مرسته، د حاجت رفع کول، او د لوږې مړول دي، چې اسلام دغه کارونه د ایمان د کمال اسباب ګرځولي، رسول الله صلی الله عليه وسلم فرمایي: (ما آمن بي من بات شبعان وجاره جائع إلى جنبه وهو يعلم به).
ژباړه: په ما يې ایمان نه دی راوړی هغه چا چې خپله مړه خېټه ويده شو او تر څنګ يې ګاونډی وږی وي او دی پرې خبر هم وي، همدارنګه اسلام کې له مسلمانانو څخه ننګه نه کولو او دښمن ته پرېښودلو نه په کلکه منعه راغلې، رسول الله فرمایي: (المسلم أخو المسلم، لا يظلمه، ولا يسلمه، من كان في حاجة أخيه كان الله في حاجته، ومن فرج عن مسلم كربة، فرج الله عنه بها كربة من كرب يوم القيامة، ومن ستر مسلماً ستره الله يوم القيامة). رواه مسلم
ژباړه: مسلمان د مسلمان ورور دی، نه پرې ظلم کوي، نه يې بل چاته تسلیموي، څوک چې د خپل ورور د حاجت رفع کولو کې مصروف وي، الله تعالی به د هغه حاجتونه رفع کړي او څوک چې له یو مسلمان نه تنګي ليرې کړي الله جل جلاله به له هغه د قيامت تنګيانې لري کړي، او څوک چې په مسلمان پرده واچوي الله به د قيامت په ورځ پرې پرده واچوي.
د افغانستان ولس یو له هغو مسلمانو ولسونو څخه دی چې په خپل دين ټينک پاتې کېدلو، خپل هويت ساتلو او د ازادۍ د ترلاسه کولو په خاطر له ډېرو سختو ظلمونو او کړاونو سره مخامخ شوی، د لویو ظالمو طاقتونو له لوري پرې یرغلونه شوي، په دې لاره کې يې بې سارې قربانۍ ورکړي، خو د دغه غیور ولس استقامت او جهاد مخې ته د یرغلګرو (انګریزي امپراطورۍ، شوروي اتحاد، امريکا او ناټو) ټولې دسېسې ناکامه شوي.
اوس پر اسلامي امت دا واجب دي چې له افغان غیور ولس سره وفا وکړي او د هغوی پور ور اداء کړي، اسلامي امت شتمن او مخلصه وګړي د هغوی مرستې او ملاتړ ته را مخکې شي، په دې محنت کې د هغوی لاس نیوی وکړي، ځکه نړيوال ظالم او شرپسنده قوتونه د دې مظلوم ولس پر وړاندې یو موټی شوي، پر دوی يې اقتصادي او سیاسي بنديزونه لګولي، په نړيوالو پانکونو کې يې پيسې ورته کنګل کړي، تر څو له دې لارې ورباندې فشار راوړي، د دې ولس د ثبات، جهاد، غرور، او عزت په وجه ورته سزا ورکړي او اراده يې کمزورې کړي.
د دغو ظالمو بنديزونو له وجې او د ګڼو اسلامي هېوادونو د ناځوانۍ په نتيجه کې د دې مظلوم ولس ژوند او اقتصادي وضعيت له ناورين سره مخامخ شوی، خپلو مسلمانو وروڼو مرستو او کومکونو ته يې ضرورت لا ډېر شوی، تر څو ورسره په دې ناورين او سختۍ کې ودريږي.
له همدې امله د دې اعلاميې امضاء کوونکي د اسلامي نړۍ له ټولو بااحساسه، ژوندي ضمير، او د ازاد نفسه خاوندانو څخه لاندې غوښتنې لري:
۱ـ مرستندویه مؤسیسې باید په افغانستان کې اقتصاد ځپلو خلکو ته د مرستو په رسولو کې خپل فعالیتونه زیات کړي.
۲ـ شتمن خلک او سوداګر باید په خپلو مالي ورکړو سره د افغان مسلمان ولس مرسته وکړي، ځکه هلته د ساړه ژمي موسم راروان دی او د خلکو اړتیاوې نورې هم زیاتیږي، ځکه الله تعالی هغو کسانو ته د بښنې وعده ورکړې، کوم چې د خدای جل جلاله په لا ره کې پرته له احسان اچولو څخه مصرف کوي، او په دې لار کې ټول هغه تبلیغات چې کومک ورکونکی او محسنین له مرستو ورکولو ويروي، د الله په نصرت هېڅ تاوان نشي ور رسولای.
۳ـ د اسلامي بانکونو او شرکتونو خاوندان او مسلمان سوداګر باید د اسلامي ورورولۍ پر اساس افغانستان کې سترې پروژې په داسې توګه په لاره واچوي چې دوی ته د ګټې تر څنګ افغان ولس ته هم د کار زمینه برابره او اقتصادي حالت یې ورسره مثبت تغییر ومومي او خپل هېواد آباد او ورغوي.
۴ـ د بشري او انساني حقونو مدافع سازمانونه باید په افغانستان باندې د سیاسي او ډیپلوماتیکو فشارونو کمولو کې هم مرسته وکړي، چې دا فشارونه په خپله د افغان ولس کړاوونه لازياتوي.
۵ـ د نړیوال اعتبار لرونکي اشخاص، سیاسي او فکري مؤسسات او علمي مرکزونه باید د رسنیو او منبرونو له لارې هغه دولتونه او نړیوال مستکبرین رسوا کړي چې د افغانستان په نوي حکومت باندې یې مختلف فشارونه ددې لپاره اچولي، څو د هغوی شومو ارادو ته غاړه کیږدي، ځکه چې هلته یو تحریک له اوږدې مبارزې وروسته په دولت بدل شوی او د خپل هېواد خپلواکي یې ګټلې.
۶ـ د مسلمان ورور سره د مرستې په لړ کې باید هر مخلص مسلمان افغان ولس سره د مالي او تخنیکي مرستو تر څنګ د رب العالمین دربار ته په زاریو شي ترڅو د افغانستان په ګډون په ټوله نړۍ کې مسلمانانو ته د دنیا او آخرت بریالیتوب ورپه برخه کړي.
وصلى الله وسلم على نبينا محمد وعلى آله وصحبه وسلم تسليماً كثيراً.
لاسلیک كوونكي:
۱ـ د مسلمانو عالمانو ټولنه (رابطة علماء المسلمين)
۲ـ د سني علماوو ټولنه (رابطة علماء أهل السنة)
۳ـ په عراق کې د مسلمانو علماوو ټولنه (هيئة علماء المسلمين في العراق)
۴ـ د یمن د علماوو ټولنه (هيئة علماء اليمن)
۵ـ د علماوو فورم (منتدى العلماء)
۶ـ د فلسطین د علماوو ټولنه ـ غزه (رابطة علماء فلسطين- قطاع غزة)
۷ـ د فلسطین د علماوو ټولنه (هيئة علماء فلسطين)
۸ـ د علماوو او دیني مدارسو ټولنه ـ ترکیه (اتحاد العلماء والمدارس الإسلامية- تركيا)
۹ـ د اریتریا د علماوو ټولنه (رابطة علماء إرتريا)
۱۰ـ د افریقا د عاج ساحل په کوټ ډیفوار کې د امید د استازو سازمان (منظمة سفراء الأمل في كوت ديفوار)
۱۱ـ د لیبیا دارالافتاء (دار الإفتاء الليبية)
۱۲ـ د لیبیا د علماوو ټولنه (هيئة علماء ليبيا)
۱۳ـ د سوډان د علماوو، امامانو او مبلغینو اتحادیه (الاتحاد السوداني للعلماء والأئمة والدُّعاة)
۱۴ـ د لبنان د دینی عالمانو ټولنه (هيئة علماء المسلمين في لبنان)
۱۵ـ د سوریې د علماوو ټولنه (رابطة العلماء السوريين)
۱۶ـ د فلسطین د دعوتګرو فورم (ملتقى دعاة فلسطين)
۱۷ـ د انسان جوړولو نړیوال سازمان (منظمة بناء الإنسان العالمية)
۱۸ـ د عراق د امامانو، خطیبانو او مبلغینو ټولنه (رابطة أئمة وخطباء ودعاة العراق)
۱۹ـ د عراق د اهل السنة والجماعة ټولنه (رابطة أهل السنة والجماعة في العراق)
۲۰ـ د عربي مغرب د علماوو ټولنه (رابطة علماء المغرب العربي)
۲۱ـ په لیبیا کې د شرعي څېړنو او مطالعاتو شورا (مجلس البحوث والدراسات الشرعية بدار الإفتاء – ليبيا).
