اروزګان: خاص اروزګان ولسوالۍ کې د څلورو دیني مدرسو د بنسټ ډبرې کېښودل شوې

د اروزګان ولایت په خاص اروزګان ولسوالۍ کې د اسلامي امارت د پوهنې د مسوولینو به زیار او هڅو د څلورو دیني مدرسو د بنسټ ډبرې کېښودل شوې.

د يوې مدرسې تاسيس د یادې ولسوالۍ په ګلیخار سیمه کې پيل شو چې په همدې اړه سیمه کې یوه غونډه جوړه شوې وه او په ترڅ کې يې یاده مدرسه د (شمس العلوم) په نوم ونومول شوه.

همداراز د یادې ولسوالۍ د شالۍ ناوې په سیمه کې د (نورانیه) په نوم د يوې بلې مدرسې د بنسټ ډبره کېښودل شوه.

همدې ته ورته د خاص اروزګان ولسوالۍ د فیرز په سیمه کې د یوې دینې مدرسې د بنسټ ډبره کېښودل شوه چې د (دارالعلوم اتفاقیه) په نوم ونومول شوه.

په ورته مهال د یادې ولسوالۍ د کښته شخي په سیمه کې د دارالعلوم ربانیه په نومې د یوې مدرسې د بنسټ ډبره کېښودل شوه.

ددې مدرسو د تاسیس په مناسبت غونډې رابلل شوې وې چې له معمول سره سم د قرآن کریم د څو مبارکو آیتونو په تلاوت سره پیل او د دعا په ترسره کولو سره پای ته ورسېدې.

د یادونې وړ ده چې ددې مدرسو د تعمير چارې د سيمې علماءکرامو او ولسي مخورو عملا پیل کړې.

۵-۱۹-۲۰۲۰